التدوينة دي تكملة لتدوينة سابقية بعنوان ( الطائفية مسؤلية " الجزء الاول , حصة الدين " ) http://johnmagdy.blogspot.com/2013/08/blog-post.html
المرة دي هحكي مشاهد مش حدوتة زي المرة اللي فاتت
المشهد الاول .. ليل داخلي .. بيت مسيحي
يجلس اسرة الرجل المسيحي مستضفين زملائهم المسلمين ويأتي ميعاد أذان العشاء فتبدأ موسيقي البداية .. يتحرك چورچ من علي كرسيه باحثاً علي الريموت ويفصل الصوت .. يسكت الصديق المسلم فيلتقط الاب من چورچ الريموت
قائلا : وطيته ليه يا چوچو
ينظر چورچ لأبيه نظرة فيما معناها ( احنا هنستعبط يا بابا )
يبتسم الاب ليلغوش علي الموقف قائلاً : وربنا انتوا نورتونا
قطع
المشهد ده اراهن انه حصل في كل البيوت المصرية .. چورچ اكمنه عيل مايعرفش حاجة فبيعمل زي ما باباه ومامته بيعملوا ساعة لما بيجي الاذان .. عادي يعني
ملحوظة : الكلام ده كان زمان قبل القنوات الدينية اللي بقيت شغالة طول النهار والليل ..
خلينا بقي كلامنا بعيد عن الفضائيات ونتكلم علي تليفزيون الدولة القناة الاولي والتانية .
دلوقتي الاذان بيتعمل في التليفزيون ليه ؟؟ .. مابين كل جامع وجامع ميكروفون في النص وكلهم بيعلنوا ان ميعاد الاذان دلوقتي .. طيب بما انك بتعلن الاذان يبقي بالتساوي اعلن السبع صلاوت بتوع اخوتنا في الوطن ! ده حتي اللي عندة عيلين اخوات بيعملهم نفس عدد السندوتشات علي الاقل .. بلاش سبع صولات مشيها خمسة وفاكس الصلاتين اللي هيزعلونا من بعض دول !
في رمضان الثلاثين يوم وايام الاعياد زي عيد الفطر اللي بعد رمضان وعيد الاضحي و عيد مولد النبي و رأس السنة الهجرية بتجيب افلام دينية اسلامية .. فكرت في عيد القيامة تجيب ألآم السيد المسيح طيب فكرت في عيد الميلاد تجيب فيلم يسوع اللي حسب انجيل لوقا .. اظن دي اشهر نسخة موجودة في مصر .
طبعاً لا انسي فضل سيادتك في عرض قداس العيد ربنا يباركلك بس ماهو زي ما بتذيع صلاة الجمعة كل يوم جمعة علي الاقل ذيع قداس الاحد كل يوم احد او حتي ذيع قداس الجمعة الصبح من 6 ل 7:30 هيبقي لسة الناس نايمة
من كام يوم كده فيه مذيعة علي قناه المحور كانت مستضيفة شاب ملحد .. وطبعاً اللقاء ده جه من باب اننا نسيج وطني واحد وهممنا نعرف كل الاعتقادات الموجودة في بلدنا .. والجدير بالذكر ان المذيعة الغير محترمة بالمرة .. انها تتدخل في الحياة الشخصية للشاب ده وتخلي مامته تتكلم ومابين كل سؤال والتاني تستغفر ربنا .. انها ما اديتش فرصة للشاب انه يتكلم ويعبر عن نفسة .. وانتهي الحوار بأن الشاب انسحب لأنه عرف اللي فيها .. اننا شعب لا يحترم الاختلاف
شعبك ده فيه مسلمين ومسيحين ويهود وبهائيين وملحدين وغيرهم ماينفعش تعترف بوجود اتنين بس وتقفل الدنيا علي الباقي فيما معناه اننا مش متقبلين وجودهم معانا
المطلوب
المطلوب من الدستور اللي منعرفش عنه حاجة ده انه لو ناوي يطلع يعترف بوجود الشعب كله " كله يا وليد " •
المرة دي هحكي مشاهد مش حدوتة زي المرة اللي فاتت
المشهد الاول .. ليل داخلي .. بيت مسيحي
يجلس اسرة الرجل المسيحي مستضفين زملائهم المسلمين ويأتي ميعاد أذان العشاء فتبدأ موسيقي البداية .. يتحرك چورچ من علي كرسيه باحثاً علي الريموت ويفصل الصوت .. يسكت الصديق المسلم فيلتقط الاب من چورچ الريموت
قائلا : وطيته ليه يا چوچو
ينظر چورچ لأبيه نظرة فيما معناها ( احنا هنستعبط يا بابا )
يبتسم الاب ليلغوش علي الموقف قائلاً : وربنا انتوا نورتونا
قطع
المشهد ده اراهن انه حصل في كل البيوت المصرية .. چورچ اكمنه عيل مايعرفش حاجة فبيعمل زي ما باباه ومامته بيعملوا ساعة لما بيجي الاذان .. عادي يعني
ملحوظة : الكلام ده كان زمان قبل القنوات الدينية اللي بقيت شغالة طول النهار والليل ..
خلينا بقي كلامنا بعيد عن الفضائيات ونتكلم علي تليفزيون الدولة القناة الاولي والتانية .
دلوقتي الاذان بيتعمل في التليفزيون ليه ؟؟ .. مابين كل جامع وجامع ميكروفون في النص وكلهم بيعلنوا ان ميعاد الاذان دلوقتي .. طيب بما انك بتعلن الاذان يبقي بالتساوي اعلن السبع صلاوت بتوع اخوتنا في الوطن ! ده حتي اللي عندة عيلين اخوات بيعملهم نفس عدد السندوتشات علي الاقل .. بلاش سبع صولات مشيها خمسة وفاكس الصلاتين اللي هيزعلونا من بعض دول !
في رمضان الثلاثين يوم وايام الاعياد زي عيد الفطر اللي بعد رمضان وعيد الاضحي و عيد مولد النبي و رأس السنة الهجرية بتجيب افلام دينية اسلامية .. فكرت في عيد القيامة تجيب ألآم السيد المسيح طيب فكرت في عيد الميلاد تجيب فيلم يسوع اللي حسب انجيل لوقا .. اظن دي اشهر نسخة موجودة في مصر .
طبعاً لا انسي فضل سيادتك في عرض قداس العيد ربنا يباركلك بس ماهو زي ما بتذيع صلاة الجمعة كل يوم جمعة علي الاقل ذيع قداس الاحد كل يوم احد او حتي ذيع قداس الجمعة الصبح من 6 ل 7:30 هيبقي لسة الناس نايمة
من كام يوم كده فيه مذيعة علي قناه المحور كانت مستضيفة شاب ملحد .. وطبعاً اللقاء ده جه من باب اننا نسيج وطني واحد وهممنا نعرف كل الاعتقادات الموجودة في بلدنا .. والجدير بالذكر ان المذيعة الغير محترمة بالمرة .. انها تتدخل في الحياة الشخصية للشاب ده وتخلي مامته تتكلم ومابين كل سؤال والتاني تستغفر ربنا .. انها ما اديتش فرصة للشاب انه يتكلم ويعبر عن نفسة .. وانتهي الحوار بأن الشاب انسحب لأنه عرف اللي فيها .. اننا شعب لا يحترم الاختلاف
شعبك ده فيه مسلمين ومسيحين ويهود وبهائيين وملحدين وغيرهم ماينفعش تعترف بوجود اتنين بس وتقفل الدنيا علي الباقي فيما معناه اننا مش متقبلين وجودهم معانا
المطلوب
المطلوب من الدستور اللي منعرفش عنه حاجة ده انه لو ناوي يطلع يعترف بوجود الشعب كله " كله يا وليد " •
