ماعدتش تفرق سينا من سونيا

كتير من اللي شافوا المشهد ده في فيلم " سيد العاطفي " كانوا بيضحكوا وبيكملوا الفيلم عادي .. محدش فكر مين " سينا " ومين " سونيا " .
ممكن يكون سواق التاكسي كان متجوز واحدة اسمها " سينا " ومأرتاحش معاها قام مطلقها واتجوز بعدها " سونيا " وبرضه مأرتحش معاها قام قايل الجملة البائسة دي " ماعدتش تفرق سينا من سونيا "
وممكن يكون سواق التاكسي شخصية ضعيفة ومتجوز واحدة اسمها سوسن وقرر انه يدلعها ب" سينا " ف ما حنتش ليه قام مدلعها ب" سونيا " وبرضة ما حنتش ؟؟

مع اول ايام الثورة وايام ما كنت حمار حصاوي - انا اشتم نفسي انت لأ - كنت بقول ليه الناس الحلوة المتنورة اللي نزلوا يوم 25 يناير 2011 ماكنوش بيتكلموا عن فساد مبارك مثلاً وكان بدل ما نزل شوية كانوا اللي نزلوا شويات وهكذا ..

ليه واحد زي " سعد زغلول " مشهور بكلمة محبطة جداً وهي " مافيش فايدة " لدرجة ان اي حد بيقول مافيش فايدة بيفتكروا في وقتها سعد زغلول ؟؟

ليه فيه ناس مع ان عمرها صغير لكن تبص في عنيها تلاقي كأن سنها 60 سنة والهم راكبهم ؟؟

عايزين تعرفوا اجابة كل اللي فات ؟

علشان محدش فكر يسأل سواق التاكسي عن " سينا " و " سونيا " حتي لما طلعت زكريا سألة عن سينا و سونيا كان بيسألة من باب التهريج والتريقة لأنه كان همة يفرفش تامر حسني ..