انا بقي بيعصبني اكتر من التحرش البوست بتاع لو التحرش سببه حماده طيب بيتحرشوا بأم حماده ليه ! - مع الاعتذار لحماده وأمه -
ماتعملوش عبط يرحمكم الله .. اللي مش عارف اسباب التحرش روح يا شاطر اتعالج علشان انت حمار انك مش قادر تفسر ظاهرة في مجتمع انت عايش فيه وأثر فيك واتفاعلت معاه
الكلام ده للكبار فقط يعني لو انت صغير بلاش تكمله
انت في مجتمع بيتعامل مع ان الجنس حاجة حرام والاعضاء التناسلية هي لعنة من ربنا علي عباده في الارض وده بيفسر اتجاه شتايمنا في المجتمع ده خلينا بقي نرجع لموضوع الجنس حرام ..
فيه كام واحد بيتجوز في مجتمعك الفاضل ده علشان يمارس الجنس تحت راية الحلال يا هندي !!
فيه كام واحد شايف انه رغبته الجنسية وشهوته حاجة حرام .. ماهي لو حرام مكانش ربنا يخلقها فيك يا حمادة !
فيه كام واحدة عايشة ومقتنعة انها كائن ملعون وجمالها او جسمها او وجودها في حد ذاته كتير عليها وكفاية اوي انها عايشة !
فيه كام واحدة محجبة ومنقبة علشان كل اللي حواليها في البلد محجبين !
مثال علي موضوع المحجبة ده انا في محافظة بني سويف مافيش بنت عدت تقريباً 15 سنة مش محجبة ، لما دخلت الكلية كان فيه واحدة جاية من محافظة تانية غير بني سويف فسبحان الله مخلوق جديد علينا انها تكون " مُسلمة " وغير محجبة وبالطبع كل اللي في الكلية افتكروها " مسيحية " إلا ان اتضحت الرؤية ومن اسمها عرفوا انها مُسلمة ، وعلي فكرة الموضوع كان محير جداً علشان الاسر الدينية اللي في الكليات والطائفية اللي في الكليات وانها ماتصنفتش دينياً في الاول بس البنت ماكملتش تيرم تقريباً واتحجبت ..
الحجاب حرية انا ماليش فيه بس ده كان مثال
تعالوا بقي نشوف جملة خرائية بتقول " لو التحرش سببه لبس البنت المنقبة بيتحرشوا بيها ليه "
وكأنك بتدور علي مبرر للتحرش
المشكلة مش في الحجاب ولا في النقاب ولا المايوة ولا في مفاتن البنت ولا الكبت الجنسي ولا تأخر سن الزواج للشباب ولا ظروف المعيشة ولا الكلام الحمصانى ده
والكلام اللي فوق ده كله ملهوش علاقة بالموضوع بس هو كان مستفزني بصراحة
المشكلة في اللي بيعمل الصور اللي بالمنظر ده
الصورة دي في حد ذاتها سبب من اسباب التحرش .. واراهن ان اول واحد عمل الصورة دي كان قاعد بيبرر لنفسه فعل التحرش بس دماغه نضيفة بالقدر اللي خلاه يقع في الحيرة دي لانه كل ما كان الجانب الاسود في شخصيته بيطلع مبرر للتحرش كان فيه الجانب الابيض يديله النفي للتبرير
المشكلة مش في " التحرش " اه صدقني المشكلة مش في التحرش ، التحرش هو نتيجة لأفعال سابقة نتيجة لثقافات اتراكمت علي بعض طلعولنا بفعل التحرش ، انت عمرك تتخيل واحد معندهوش ميول للعنف يتحرش ! مستحيل طبعاً .. اللي اتعود انه يكون انسان عمره ما يتوصل تفكيره انه يتعدي علي حرية انسان تاني
من الاخر لو عيشنا بني ادمين مش بس هيختفي التحرش ده هيختفي التحرش وهيختفي حاجات وسخة كتير غيره بس المشكلة بقي اننا نوصل اننا نعيش بني ادمين
والاصح يتعمل صورة يتكتب فيها .. لو اننا حيوانات سببه الفقر طيب مدير الشركة حيوان ليه !
الزتونة
ماتعملوش عبط يرحمكم الله .. اللي مش عارف اسباب التحرش روح يا شاطر اتعالج علشان انت حمار انك مش قادر تفسر ظاهرة في مجتمع انت عايش فيه وأثر فيك واتفاعلت معاه
الكلام ده للكبار فقط يعني لو انت صغير بلاش تكمله
انت في مجتمع بيتعامل مع ان الجنس حاجة حرام والاعضاء التناسلية هي لعنة من ربنا علي عباده في الارض وده بيفسر اتجاه شتايمنا في المجتمع ده خلينا بقي نرجع لموضوع الجنس حرام ..
فيه كام واحد بيتجوز في مجتمعك الفاضل ده علشان يمارس الجنس تحت راية الحلال يا هندي !!
فيه كام واحد شايف انه رغبته الجنسية وشهوته حاجة حرام .. ماهي لو حرام مكانش ربنا يخلقها فيك يا حمادة !
فيه كام واحدة عايشة ومقتنعة انها كائن ملعون وجمالها او جسمها او وجودها في حد ذاته كتير عليها وكفاية اوي انها عايشة !
فيه كام واحدة محجبة ومنقبة علشان كل اللي حواليها في البلد محجبين !
مثال علي موضوع المحجبة ده انا في محافظة بني سويف مافيش بنت عدت تقريباً 15 سنة مش محجبة ، لما دخلت الكلية كان فيه واحدة جاية من محافظة تانية غير بني سويف فسبحان الله مخلوق جديد علينا انها تكون " مُسلمة " وغير محجبة وبالطبع كل اللي في الكلية افتكروها " مسيحية " إلا ان اتضحت الرؤية ومن اسمها عرفوا انها مُسلمة ، وعلي فكرة الموضوع كان محير جداً علشان الاسر الدينية اللي في الكليات والطائفية اللي في الكليات وانها ماتصنفتش دينياً في الاول بس البنت ماكملتش تيرم تقريباً واتحجبت ..
الحجاب حرية انا ماليش فيه بس ده كان مثال
تعالوا بقي نشوف جملة خرائية بتقول " لو التحرش سببه لبس البنت المنقبة بيتحرشوا بيها ليه "
وكأنك بتدور علي مبرر للتحرش
المشكلة مش في الحجاب ولا في النقاب ولا المايوة ولا في مفاتن البنت ولا الكبت الجنسي ولا تأخر سن الزواج للشباب ولا ظروف المعيشة ولا الكلام الحمصانى ده
والكلام اللي فوق ده كله ملهوش علاقة بالموضوع بس هو كان مستفزني بصراحة
المشكلة في اللي بيعمل الصور اللي بالمنظر ده
المشكلة مش في " التحرش " اه صدقني المشكلة مش في التحرش ، التحرش هو نتيجة لأفعال سابقة نتيجة لثقافات اتراكمت علي بعض طلعولنا بفعل التحرش ، انت عمرك تتخيل واحد معندهوش ميول للعنف يتحرش ! مستحيل طبعاً .. اللي اتعود انه يكون انسان عمره ما يتوصل تفكيره انه يتعدي علي حرية انسان تاني
من الاخر لو عيشنا بني ادمين مش بس هيختفي التحرش ده هيختفي التحرش وهيختفي حاجات وسخة كتير غيره بس المشكلة بقي اننا نوصل اننا نعيش بني ادمين
والاصح يتعمل صورة يتكتب فيها .. لو اننا حيوانات سببه الفقر طيب مدير الشركة حيوان ليه !
الزتونة
التحرش لو ليه سبب هيكون انك قاعد بتدورله علي سبب تبرر بيه حدوثه
No comments:
Post a Comment