اشمعنا !
- الواد ده صايع
- اشمعنا !
- شوف مطول شعرة أزاي
- البت دي شمال
- اشمعنا !
- عماله تضحك وسايبة شعرها
- البت دي محترمة
- اشمعنا !
- محجبة كده وفي حالها
- الواد ده شكله شمام
- اشمعنا !
- شكله كده
ومع استمراري لسرد المواقف اللي تقف فيها بمخك وتقول " اشمعنا ! " هتلاقي كتير وهتلاقي تأثيرهم في المجتمع واضح يعني مثلاً من قريب شوفت صورة لواحدة واقفة ظابطة مرور بس طبعاً كانت ابيض واسود - الله يرحم - الستينان وما ادراك الستينات
علي فكرة معظم المصايب اللي بتحصل تندرج تحت نظرية اشمعنا !
يعني الولاد بيعاكسوا البنات ليه !! علشان المثال التاني ده بس بأختلاف تالت جملة فيه يعني مش لازم تبقي عماله بتضحك وسايبة شعرها ممكن ماشية بتدلع المهم مبرر متخلف في دماغة علشان يعاكسها
وطبعاً البنات مش ملايكه يعني مهو زي ما فيه ولاد بيستغبوا فيه بنات كذلك
يعني البنت اللي تغير من سلوكها علشان اتعاكست بتستغبي بطريقة غير مباشرة وكأن الولد اللي عاكسها ده كان بيوصلها رسالة هداية علشان تغير من سلوكها - يا سلام - غير البنات اللي بتحكم علي الولاد من شكلهم - دي خلقة ربنا - من لبسهم , من طريقة كلامهم وكأنهم ناصحين جداً
وتلاقي البنت في حدث هو الاول في حياتها وتقع مع شاب ومن ذكائها الخارق تتخيل انه بيحبها و في الاخر يقولها بخ وتيجي تطلع عنينا اشي بوستات علي الفيسبوك وصور تشيرها وطبعاً محدش ينسي فضل الاستاذ مصطفي شعبان لما قال " محدش بينجرح اوي إلا لما بيحب قوي " هييييح ♥♥
الخلاصة
متحكمش علي حد خالص , ركز في نفسك وازاي تعدل فيها
بالمناسبة
دي صورتي لا اللي لما حلقت قرعة بقيت هادي ومهتدي ولا لما بربي شعري ببقي خطر
وننهي المقال " انا كده انا تمر هندي ( سبرليت ) "
- الواد ده صايع
- اشمعنا !
- شوف مطول شعرة أزاي
- البت دي شمال
- اشمعنا !
- عماله تضحك وسايبة شعرها
- البت دي محترمة
- اشمعنا !
- محجبة كده وفي حالها
- الواد ده شكله شمام
- اشمعنا !
- شكله كده
ومع استمراري لسرد المواقف اللي تقف فيها بمخك وتقول " اشمعنا ! " هتلاقي كتير وهتلاقي تأثيرهم في المجتمع واضح يعني مثلاً من قريب شوفت صورة لواحدة واقفة ظابطة مرور بس طبعاً كانت ابيض واسود - الله يرحم - الستينان وما ادراك الستينات
علي فكرة معظم المصايب اللي بتحصل تندرج تحت نظرية اشمعنا !
يعني الولاد بيعاكسوا البنات ليه !! علشان المثال التاني ده بس بأختلاف تالت جملة فيه يعني مش لازم تبقي عماله بتضحك وسايبة شعرها ممكن ماشية بتدلع المهم مبرر متخلف في دماغة علشان يعاكسها
وطبعاً البنات مش ملايكه يعني مهو زي ما فيه ولاد بيستغبوا فيه بنات كذلك
يعني البنت اللي تغير من سلوكها علشان اتعاكست بتستغبي بطريقة غير مباشرة وكأن الولد اللي عاكسها ده كان بيوصلها رسالة هداية علشان تغير من سلوكها - يا سلام - غير البنات اللي بتحكم علي الولاد من شكلهم - دي خلقة ربنا - من لبسهم , من طريقة كلامهم وكأنهم ناصحين جداً
وتلاقي البنت في حدث هو الاول في حياتها وتقع مع شاب ومن ذكائها الخارق تتخيل انه بيحبها و في الاخر يقولها بخ وتيجي تطلع عنينا اشي بوستات علي الفيسبوك وصور تشيرها وطبعاً محدش ينسي فضل الاستاذ مصطفي شعبان لما قال " محدش بينجرح اوي إلا لما بيحب قوي " هييييح ♥♥
الخلاصة
متحكمش علي حد خالص , ركز في نفسك وازاي تعدل فيها
بالمناسبة
دي صورتي لا اللي لما حلقت قرعة بقيت هادي ومهتدي ولا لما بربي شعري ببقي خطر
وننهي المقال " انا كده انا تمر هندي ( سبرليت ) "
No comments:
Post a Comment